LlAGC Ieuenctid

Beth yw LlAGC Ieuenctid?

Cynhaliwyd LLAGC Ieuenctid rhwng 2022-2024, a cheisiodd wella cyfranogiad pobl ifanc yng ngwaith Cynghorau Tref / Cymuned Sir Benfro (CTC). Mabwysiadodd y prosiect ddull a arweinir gan bobl ifanc ac roedd ganddo dri cham: ymgysylltu cychwynnol, casglu llais ieuenctid yn seiliedig ar le a datblygu atebion lleol i gynnal ymgysylltiad. Roedd cyfanswm o 164 o ddigwyddiadau yn cynnwys 2225 o bobl ifanc a 957 o oedolion yn bresennol. Roedd yr adborth gan gyfranogwyr yn hynod gadarnhaol.

Rydym wedi llwyddo (yn ystyrlon) i wella cyfranogiad pobl ifanc yng ngwaith nifer o Gynghorau Tref a Chymuned (Tyddewi, Abergwaun ac Wdig, Casnewydd, Aberteifi, Aberdaugleddau, Doc Penfro), drwy hwyluso ymgysylltu sydd wedi diwallu anghenion ac wedi cefnogi Cynghorwyr a phobl ifanc i gyfathrebu, datblygu perthnasoedd a nodi ffyrdd ymlaen. Nid yw Cynghorau eraill wedi ymgysylltu, neu am amrywiaeth o resymau heb gynnal eu hymgysylltiad â ni neu bobl ifanc yn eu cymuned.

Mae gan dri Chyngor Gynghorwyr ifanc o ganlyniad i’n gwaith. Rydym wedi nodi ffactorau llwyddiant ar gyfer, a rhwystrau allweddol i gyfranogiad gwell gan bobl ifanc yng ngwaith Cynghorau Tref a Chymuned .

Yn syml, mae llwyddiant o fewn y prosiect yn ei gwneud yn ofynnol i Gynghorau a Chynghorwyr fynd ati’n strategol i gynnwys ieuenctid, estyn allan a datblygu cyfathrebu ac ymddiriedaeth gyda phobl ifanc cynrychioliadol, cymryd camau ystyrlon ac adborth ar gynnydd, ac ailadrodd y cylch hwn.

Mae hyn yn gofyn am waith ac ymrwymiad, ond nid oes angen iddo gymryd llawer o amser, na chostio llawer iawn.

Rhwystrau allweddol:

Materion yn ymwneud ag Adnoddau: Capasiti ac adnoddau’r sector ieuenctid, a dulliau mwy cydgynhyrchiol o ymgysylltu

Materion ymwybyddiaeth: Ymwybyddiaeth isel ar draws pob sector o nodau Deddf Llesiant Cenedlaethau’r Dyfodol a ffyrdd o weithio, Theori ac ymarfer cyd-gynhyrchu ac ymgysylltu, cyfleoedd ieuenctid / llais ieuenctid ac ati, a gweithio ar lefelau strategol.

Materion cyfathrebu: Sianeli cyfathrebu aneffeithiol rhwng pobl ifanc, eu heiriolwyr, a’r rhai sy’n gwneud penderfyniadau, yn enwedig Cynghorwyr Tref a Chymuned, a’r angen am well hyrwyddiad o lwyfannau llais ieuenctid presennol ac ymddygiadau ieuenctid cadarnhaol i gyrraedd cynulleidfa ehangach a newid y naratif

Gwrando ac Ymgysylltu Gweithredol: Diffyg gwrando’n helaeth ar leisiau ieuenctid a gweithredu ar eu hadborth, Enghreifftiau o ymgysylltu tocenistaidd lle nad yw mewnbwn ieuenctid yn cael ei ystyried na’i weithredu mewn gwirionedd, a lle mae angen i’r rhai sy’n gwneud penderfyniadau ymrwymo i ymgysylltu’n rheolaidd ac ystyrlon â phobl ifanc.

Rhwystrau Systemig a Diwylliannol: Rhagfarnau a thueddiadau yn erbyn barn pobl ifanc gan genedlaethau hŷn y mae angen iddynt fod yn fwy agored eu meddwl a derbyn safbwyntiau ieuenctid. Weithiau mae sefydliadau presennol yn ymgysylltu â phobl ifanc mewn modd symbolaidd yn hytrach nag annog a meithrin eu mewnbwn yn rhagweithiol.

Hygyrchedd: Mynediad cyfyngedig i lwyfannau a chyfleoedd i bobl ifanc leisio’u barn, ac angen eang am fannau cynhwysol a diogel lle gall pobl ifanc fynegi eu hunain yn rhydd.

Capasiti a Hyfforddiant: Angen hyfforddiant a meithrin gallu ar gyfer ieuenctid ac oedolion i wella ansawdd cyfranogiad ieuenctid, ac yn arbennig y rhai sy’n gwneud penderfyniadau / eraill i weithio’n strategol a gwrando ar / ymgysylltu’n well â phobl ifanc.

Cynrychiolaeth ac Amrywiaeth: Sicrhau bod lleisiau ieuenctid amrywiol a chynrychioliadol yn cael eu clywed, nid dim ond rhai dethol. Ymgysylltu â demograffeg ehangach o bobl ifanc – yn enwedig pobl ifanc hŷn 16-25 oed – i sicrhau cynhwysiant mewn mentrau cyfranogiad ieuenctid.

Argymhellion LLAGC Ieuenctid

Mae adborth gan gyfranogwyr a rhanddeiliaid prosiect yn seiliedig ar eu profiadau wedi llywio 22 o argymhellion; rhai ar gyfer POB sefydliad, a rhai ar gyfer y sector Cynghorau Tref a Chymuned. Dyma’r penawdau: