I weld gwasanaethau gofal a chymorth micro yn eich ardal: teipiwch eich cod post*, dewiswch bellter o’ch cartref, a chliciwch ar ‘Chwilio nawr’.

Bydd eich canlyniadau’n cael eu dangos ar wefan Dewis Cymru.

*Rhaid i chi gynnwys y bwlch yng nghanol eich cod post, h.y. SA71 4QP nid SA714QP

Cwblhewch y ffurflen ymholiad ar-lein hon i anfon neges ymholiad at wasanaethau gofal a chymorth micro yn eich ardal. Bydd y gwasanaethau sy’n addas ac ar gael, yn anfon ymateb e-bost atoch.

Ynglŷn â chyfeiriadur gwasanaethau micro-ofal a chymorth:

Beth yw Gwasanaethau Micro-ofal a Chymorth?
A ydyn nhw ar fy nghyfer i?
Sut ydw i’n gwneud ymholiad?
Beth os oes gen i bryder am fy ngwasanaeth?
Straeon cleientiaid / gofalwyr teuluol
Gwybodaeth a chyngor am gymorth arall sydd ar gael
Oes gennych chi ddiddordeb mewn sefydlu eich gwasanaeth micro-ofal eich hun?

Beth yw gwasanaethau gofal a chymorth micro?

Maent yn wasanaethau gofal a chymorth bach ac annibynnol. Maent yn helpu pobl i fyw’n annibynnol ac yn dda yn eu cartrefi a’u cymunedau eu hunain. Yn nodweddiadol, maent yn cynnig:

Cymorth cartref – cymorth gyda glanhau, siopa, coginio, anifeiliaid anwes ac ati.
Cwmni – darparu cwmni, cymorth i gael mynediad at weithgareddau a theithiau ac ati.
Gofal personol – Gall gynnwys cymorth gyda bwyta neu yfed, golchi, gwisgo, meddyginiaeth ac ati. Nid yw pob gwasanaeth gofal micro yn darparu gofal personol.

Mae’r rhan fwyaf o wasanaethau gofal micro yn hunangyflogedig ond gallant fod yn bartneriaethau neu’n gwmnïau bach sy’n cyflogi hyd at wyth aelod o staff llawn amser.

Mae’r gwasanaethau gofal micro ar y cyfeiriadur hwn wedi cael eu cefnogi gan brosiect Catalyddion Gofal i sefydlu’n gyfreithiol ac yn broffesiynol ac wedi ymrwymo i’r ‘Safonau Gwneud Pethau’n Iawn’.

Mae’r prosiect ‘Catalyddion Gofal’ yn brosiect dielw a gefnogir gan Gynghorau Sir Penfro, Ceredigion, a Chaerfyrddin; Bwrdd Iechyd Hywel Dda; a sefydliadau trydydd sector PAVS, CAVO a CAVS.

Y rheswm pam ein bod yn cefnogi datblygiad gwasanaethau gofal a chymorth micro yw rhoi mwy o ddewis i bobl ddod o hyd i wasanaeth gofal/cymorth bach, lleol sy’n gweithio iddyn nhw.

A ydyn nhw ar fy nghyfer i?

Gall gwasanaethau micro-ofal a chymorth fod yn opsiwn da i bobl sy’n chwilio am:

Un person / gofalwr i feithrin perthynas fwy personol (yn hytrach na chael ymweliadau gan wahanol staff). Gall hyn fod yn arbennig o fuddiol i bobl sy’n byw gyda Dementia.
Ymweliadau hirach gydag ystod fwy cyfannol o gefnogaeth – fel arfer cymysgedd o gymorth cartref, cwmni a gofal personol.
Gwasanaeth bach, hyblyg a lleol.

Fodd bynnag, oherwydd bod gwasanaethau micro-ofal yn wasanaethau bach iawn, heb eu rheoleiddio, nid ydynt yn briodol i bawb. Mae tri pheth pwysig i’w hystyried; rhaid i’r person sy’n derbyn cymorth neu ei gynrychiolydd cyfreithiol fod yn hapus ac yn gallu:

Gwneud gwiriadau priodol ac asesu addasrwydd gwasanaeth micro-ofal*
Cyfarwyddo a chydlynu eu gofal / cymorth yn barhaus
Trafod / cytuno ar gynlluniau wrth gefn addas ar gyfer ymweliadau a ganslwyd o bosibl gyda’r gwasanaeth

*Sylwch, er bod gwasanaethau gofal a chymorth micro ar y cyfeiriadur hwn wedi derbyn cefnogaeth i sefydlu’n gyfreithiol ac yn broffesiynol, ac wedi ymrwymo i’r prosiect ‘Safonau Gwneud Pethau’n Iawn’, nid yw prosiect Catalyddion Gofal yn achredu na chymeradwyo’r gwasanaethau hyn yn ffurfiol.

Os ydych chi’n gymwys i dderbyn gofal a chymorth a ariennir gan eich Cyngor Sir, gallwch siarad â’ch gweithiwr cymdeithasol ynghylch a fyddai Taliadau Uniongyrchol yn ffordd addas o brynu’ch gofal a’ch cymorth a aseswyd gan wasanaeth gofal micro.

Os hoffech ofyn unrhyw gwestiynau ynghylch a fyddai gwasanaeth gofal micro yn briodol i chi, cysylltwch â chydlynydd y prosiect yn eich sir:

Sir Benfro – Lee James – 07535 810003 / lee.james@planed.org.uk
Sir Gaerfyrddin – Tracey Jones – 07789 793228 / tracey.jones@planed.org.uk
Ceredigion – Sue Lewis – 07442 681883 / sue.lewis@planed.org.uk

Sut ydw i'n gwneud ymholiad?

Edrychwch ar y cyfeiriadur gan ddefnyddio’r blwch chwilio cod post ar frig y dudalen hon. Edrychwch drwy’r gwasanaethau yn eich ardal a chysylltwch â’r rhai sydd o ddiddordeb i chi. Neu
Defnyddiwch y ffurflen ymholiad drwy glicio ar y botwm oren ar frig y dudalen hon. Pan fyddwch chi’n cwblhau’r ffurflen hon, byddwn ni’n rhannu eich neges ymholiad gyda’r gwasanaethau gofal micro yn eich ardal chi. Yna byddwch chi’n derbyn e-byst gan wasanaethau sydd â diddordeb, yn gadael chi gyda rhestr o wasanaethau addas ac sydd ar gael yn eich ardal.

Gall y ffurflen ymholiad fod yn ddefnyddiol os oes llawer o wasanaethau sydd o ddiddordeb i chi ac nad ydych chi eisiau cysylltu â nhw i gyd yn unigol. Gall teuluoedd a gweithwyr proffesiynol cyfeirio ddefnyddio’r ffurflen ymholiad hon.

Os nad yw rhywun yn hyderus i ddefnyddio’r cyfeiriadur ar-lein, gallant ofyn am restr o wasanaethau yn eu hardal wedi printio ac anfon drwy’r post drwy gysylltu â Jo Buy ar 01834 860965 / jo.buy@planed.org.uk

Os nad yw rhywun yn hyderus i ddefnyddio’r ffurflen ymholiadau ar-lein, gallant gael cefnogaeth gan ‘Hyrwyddwr Digidol’ o Age Cymru Dyfed drwy gysylltu â 03333 447 874 / p.mcilroy@agecymrudyfed.org.uk. Yn Sir Benfro, gallwch hefyd gael cymorth gan Hwb Cymunedol Sir Benfro ar: 01437 723660 / enquiries@pembrokeshirecommunityhub.org

Beth os oes gen i bryder am fy ngwasanaeth?

Yn y lle cyntaf, dylech chi siarad â’ch gwasanaeth micro-ofal i ddatrys y mater. Nid yw prosiect Catalyddion Gofal yn achredu, cymeradwyo na rheoli’r gwasanaethau hyn; nhw yw busnes/gwasanaeth bach, annibynnol eu hunain sy’n derbyn cefnogaeth gan y prosiect. Ar unrhyw adeg, os nad ydych chi’n hapus gyda’r gwasanaeth, gallwch ddod â’r contract i ben gyda’r cyfnod rhybudd yn eich cytundeb gwasanaeth.

Fodd bynnag, os oes gennych bryder heb ei ddatrys ynghylch diogelwch neu lesiant, dylech gysylltu â thîm diogelu eich awdurdod lleol (dewch o hyd i fanylion ar wefan eich awdurdod lleol) i gael cyngor neu i godi pryder diogelu.

Yn olaf, os oes gennych bryder difrifol na allwch ei ddatrys yn uniongyrchol gyda’r gwasanaeth ac nad yw’n fater diogelu, gallwch godi hyn gyda phrosiect Catalyddion Gofal drwy gysylltu â chydlynydd prosiect eich sir (gweler manylion cyswllt uchod). Gweler t.8 o’r ‘Safonau a Chanllawiau Gwneud Pethau’n Iawn’ am ragor o wybodaeth am broses pryderon prosiect Catalyddion Gofal.